Simula nang araw na mapansin ko ang pagod at hapong-hapo na itsura ng lola ay naghanap na ako agad sa internet kung saan sa Manila ako makakahanap ng part time job na pasok sa schedule ng university na pag-e-examan ko.
Oo nga pala, sa DLZU ko balak na mag-aral. Hindi ko pa ito sinasabi kay lola, sasabihin ko kapag nakapasa na ako para wala na siya magawa. Malaki kasi ang posibilidad na aayaw siyang manirahan sa Manila pero... wala talaga dito sa Maraveles, o sa kahit anong lugar sa San Rafael Lorenzo ang buhay na gusto ko para sa amin.
"Sampung pisong fishball, Kuya Boting," sabi ko sa nagtitinda.
Dalawang taon ko nang kilala itong si kuya, talagang siya yung puntahan ng karamihan kapag uwian na. Parang may magic kasi yung sawsawan ng mga tinda niya lalo na yung sa fishball at kikiam. S
