Alam kong hindi matutuwa sa akin ang lola sa ginawa kong ito.
"Hmm! pasensiya ka na, Allie! wala akong ibang malapitan. Gutom na gutom rin ako at talagang wala akong kain ng dalawang araw pagkarating ko dito. Hindi ako sinasagot ng nanay, ilang beses ko na siyang tinatawagan."
Hindi ko sukat akalain na pagkatapos ng halos sampung taon ay magkikita ulit kami ng aking ama. Tumigil na kasi itong umuwi sa amin sa Maraveles dahil nakaaway si Lola, at ang alam ko ay nasa Manila ito at doon na nakatira kasama ang bagong pamilya. Ano ang ginagawa niya dito sa San Rafael Lorenzo?
Pinanonood ko lang ito habang kumakain, nakatingin ako sa bawat pagsubo at halata ang gutom. Siya ang Tatay Reynan ko, mas payat siya ngayon kaysa sa huling pagkikita namin. Mukhang napapabayaan na niya ang sarili niya
