Napakasakit para sa akin na makita na nagkakaganito ang lola.
"G-Gusto kang kuhanin ng ama mo... halos t-tatlong linggo na akong minemensahe... a-at may nakapagsabi sa akin pauwi pa lang ako dito na magkasama kayo kahapon at nag-uusap tungkol sa pagtira mo sa Maynila. Na aalis ka na at kukuhanin niya."
Napaawang ang mga labi ko. W-Walang ganon... ang napag-usapan ay ang trabaho sa pabrika kung saan ako gustong ipasok ng tatay! Pero hindi rin ako pumayag!
"Lola, p-plano ko po na mag-aral sa Maynila, pero hindi po para sa tatay, n-nakakita lang po ako ng magandang oportunidad doon, i-isasama ko po kayo--"
"Hindi ako aalis dito, Allie. Hindi ko lilisanin ang San Rafael Lorenzo. Dito na ako mamamatay," matigas na sabi niya.
"L-Lola naman..."
"At kung... kung aalis ka sige, umalis ka... s
