“Vangie?”
Napakunot ang noo ni Bert nang makita niyang madilim ang bahay. Kauuwe lang niya galing sa bayan. Naghahanda na kasi sila sa pag-alis nila Vangie. Kanina ay kumuha na sila ng ticket at sa susunod na araw na nga ang pag-alis ng mga ito papunta sa Canada. Pati nga siya ay may ticket pero mula sa Tacloban lang papunta sa Maynila, ihahatid niya kasi ang mga ito sa pag-alis.
Naghanap si Bert ng malalaking mga box upang paglagyan ng mga gamit nila Vangie. Gusto kasi nitong magdala ng mga produkto na rito lang sa bansa mabibili, kagaya ng tuyo. Mayroon naman daw gano’n sa Canada. Ngunit higit na mas mahal ang mga iyon kaysa sa kung sila na ang bibili ngayon.
“Vangie?” tawag niyang muli sa nobya. Napaka tahimik ng buong bahay. Noong umalis siya kaninang umaga ay magkakasama ang kany
