Chapter 18
Beatrice Celestine
"GISING ka na pala, hija," bati sa akin ni Yaya Sita pagkapasok niya sa kwarto. Nakaligo na ako at nakapagbihis na rin. Maaga akong nagising—baka dahil namamahay pa ako, kaya hirap akong makatulog kagabi.
Isang nahihiyang ngiti ang pinakawalan ko. "Pasensya na po kayo, Yaya Sita, nahihiya na po ako sa inyo. Kahapon pa po kayo abala sa akin. Wala naman pong pakialam si DN, mabuti na lang po at nandito kayo."
Umiling ang matanda, ang mga mata niya may lambing na hindi ko naramdaman kay DN simula nang dumating ako rito. "Naku, wala kang dapat ikahiya, hija. Alam kong pagod ka sa buong biyahe, kaya natural lang na kailangan mong bumawi ng lakas. Napansin ko ngang hindi ka agad nakatulog kagabi, nakabukas pa ang ilaw mo nang huling dumaan ako rito."
Hindi ako
