Kasalukuyang nagpapahinga si Aurora sa ilalim ng punong Acasia habang iniisip ang mga mortal na nakasama n’ya lalo na ang ama. Katatapos lang nilang mag-ensayo ni Leora kaya pagod ang isip at katawan niya. Napagtanto n’yang hindi madali ang pag-teleport dahil bukod sa nauubos ang lakas n’ya, kailangan din kasi ng matinding konsentrasyon upang magawa ang bagay na iyon. Nanghihina rin s'ya kapag paulit-ulit n’yang ginagawa ang pagte-teleport ngunit determinado s’yang pag-aralalan ang kanyang mga abilidad bilang lobo at bampira. Nararamdaman n’ya rin na hindi na s’ya mahina kagaya ng dati, mas matapang na s’ya at malakas—base na rin sa sinasabi ng mga mandirigma ng hari.
Alam n’yang makakaya n’ya ang lahat para sa mga taong mahal n’ya at mahalaga sa kanya. Mula nang mal
