Maruem
"Ano ang kailangan niyo sa akin? Sino na naman ngayon ang kahariang dinurog ko at gusto akong gantihan? Tapusin na natin ang palabas. Wala ako sa wisyo na makipagbiruan ngayon," madiin kong sabi.
Nagdikit-dikit pa lalo ang mga naka-itim na bampirang ito. Ang bampirang nasa gitna nila ay tahimik lang na nakatayo ngunit may lumalabas na lubid ng liwanag mula sa kaniyang likod. Patuloy iyong humaba bago humampas sa direksyon ko. Agad naman akong umiwas dito pero nadaplisan pa rin ako nang kaunti. Ramdam ko ang mainit na temperatura ng lubid, kung hindi ako nakaiwas agad ay paniguradong nalapnos na ang parteng iyon ng balat ko. Malamang iyon ang abilidad ng bampirang ito.
Nang akmang tatakas ako sa pormasyong kanilang ginawa ay hindi ko inaasahang may mga bagong lubid na huhuli sa ak
