Mumukat-mukat ang mga mata, habang ibinabaling ang ulo, at nais pagmasdan kung nasaan siya ng mga oras na iyon.
Nakakarinig kasi si Dimitri ng iba't ibang ingay, mula sa boses ng ilang tao na nag-uusap. Alam niyang nasa bahay lang siya. Dahil sa amoy ng paligid. Pero talagang naninibago siya sa ingay na kanyang naririnig.
Nang masanay sa liwanag sa paligid niya. Noon lang niya nagawang maimulat ang mata ng maayos.
"Hey! Gising na si Sandoval!" Wika ni Lucas na ikinatahimik ng mga nag-uusap. Na biglang ikinalapit ng mukha ni Diesel sa mukha niya na isang dangkal lang ang layo, mula sa kanya. Napakunot naman ng mukha si Dimitri na biglang ikinahalakhak ni Diesel.
Dahan-dahan namang bumangon si Dimitri sa pagkakahiga sa couch, at inilibot ang paningin sa mga taong kasama niya sa living ro
