Madilim na ang paligid ng muling magising si Dimitri. Binuhay muna niya ang ilaw sa kanyang kwarto para makakita ng liwanag. Halos alas otso y media na rin, ng makita niya ang oras sa wall clock sa kwarto niya. Kahit masakit ang ulo ay pinilit niyang magtungo sa banyo. Nasusuka siya ng oras na iyon. gusto niyang mailabas ang nais ilabas ng kanyang sikmura.
Napangiti na lang siya ng maalala niyang, wala siyang ibang kinain ng nagdaang araw kundi ang meryenda na binigay ni Anna noong nagkukwentuhan sila ng mga magulang.
Kahit papaano ay naging masaya din naman ang buhay niya, at may alaala siyang kasama at kakwentuhan ang mga magulang. May isang pagkakataon na hindi puro negosyo ang pinag-uusapan kundi ang kanyang kalagayan. Masakit man ang hindi pa niya makita si Liza, pero ang kumustahin
