Salubong ang kilay ni Isagani habang nasa kotse sila ni Anina. Pauwi na sila pero hindi pa nito ini-i-start ng engine ng kotse niya. Paano ba naman, nagpaalam kasi sa kanya ang dalaga kung papayag ba ito na sumali siya doon sa beauty contest sa nalalapit na fiesta sa Isla Catalina. Hindi na agad mapinta ang mukha ng binata sa narinig niya.
Nakayuko lang si Anina, at naghihintay na magsalita si Isagani. "Sino ba ang nagsabi sa 'yo na sumali ka?" tanong ni Isagani. Boses pa lang nito ay nakakatakot na. Nginig tuloy ang panga ni Anina.
"K-K-Kaibigan lang. N-Nabanggit sa 'kin. . ."
"Si Micheal o si Mikaela?"
Plit na ngumisi si Anina. Alam na alam talaga ni Isagani ang galaw ng isip niya. Alam rin nito na walang ibang kaibigan sa isla si Anina kundi si Micheal lang at si Mikaela na mga ba
