Kung hindi lang kilala ni Wade si Anina ay mapagkakamalan niya itong baliw na kinakausap ang sarili niya. Kanina pa ito walang tigil sa pagsasalita mag-isa na akala mo ay sinapian ng masamang espirito.
"Anina, bakit ka ba nagkakaganyan? Anong ginagawa mo?"
"E kasi naman 'tong si Sir Isagani, e."
Napakunot noo si Wade. "Bakit?"
"Ang sabi niya may dinner meeting daw kami mamaya."
"T-Talaga??"
Sinamaan ni Anina ng tingin si Wade. "O, bakit parang gulat na gulat ka diyan?"
Napangisi si Wade ng lihim. Nasabi niya kasi kay Isagani kanina ang tungkol sa pagyaya ni Micheal kay Anina mamaya after work. Hindi naman niya inaasahan na ganito ang gagawin ng pinsan niya.
Their conversation earlier:
"Dude, nandito si Micheal kanina, ah? 'Yung kapatid ni Mikaela." Pagpaparinig ni Wade.
"I
