"Your morning meeting has been cancelled, Ma'am." Pagbalita agad sa akin ni Cheska pagkatapos niyang iabot sa akin ang isang maliit na plastik na may lamang mga yelo na binalot ng isang malinis na panyo.
"Thanks, Cheska." Ngumiti ako sa kanya pagkatapos magpasalamat para mapakita sa kanyang ayos lang ako. Kitang kita kasi sa mukha ni Cheska na nag-aalala siya sa akin lalo na ng hinubad ko kanina ang shades na suot ko.
Hindi man lang niya natago ang pagkabigla niya kanina ng makita niya ang mukha ko. Aalalang-alala si Cheska sa akin na hindi siya agad makapagsalita sa akin.
"May iba pa po ba kayong iuutos? Oorder na din po ako sa ibaba ng breakfast niyo?" Maingat na tanong sa akin ni Cheska, bukod sa pag-aalala ay nakikita ko ang awa sa mga mata niya.
Iniwas ko ang tingin ko sa kanya ha
