Nagising ako na sobrang nanakit ang katawan ko lalo na ang parte ng katawan ko sa may balakang kung saan natamaan sa may counter top.
Kahit na ramdam na ramdam ko ang sakit ng aking katawan ng tumayo na ako sa pagkakahiga, alam kong hindi na ako makakatulog sa sitwasyon ko ngayon. Bilib na nga ako sa sarili kong nakatulog pa ako ng ilang oras kahit papaano.
Napatingin ako sa labas ng may veranda, agad kong napansin na medyo madalim pa ang paligid. Sumunod naman na dumako ang tingin ko sa alarm clock na katabi ng higaan ko. Alas singko pa lang pala sa umaga, ibig sabihin ay halos dalawang oras lang ang tulog ko sa buong gabi. Mas nauna pa akong magising sa alarm clock ko na nakaset ng mag-alarm ng alasais ng umaga.
Napahawak ako sa aking ulo ng maramdaman ko ang matindi nitong pagkirot.
