Tahimik akong kumakain at ganoon din siya na patingin tingin lang sa akin. Nakikita ko sa gilid ng aking mga mata na tinitignan niya ako kung kumakain nga ako.
Hindi ko inaasahan na siya pala ang nagluto ng lahat ng ito, ang buong akala ko ay ang katiwala ang nagluluto ng ulam namin. Nalaman ko na siya ang nagluto gawa ng iilang kalat sa lababo at hugasin sa lababo na ginamit niya para sa pagluluto.
Katulad kahapon ay may fried rice na nakahanda, fried egg, daing at adong manok sa pinya. Mabuti na lang talaga ay pinilit ako ni Nick kumain kundi ay magrereklamo ng magrereklamo ang tiyan ko.
"Ako na ang magliligpit nitong pinagkainan natin," pagprepresenta ko.
Dahil siya naman ang naghanda at nagluto ng kinain namin ay ako na ang bahalang maghugas at magligpit sa pinagkainan. Nakakahiya
