Kinabukasan ay maagang maaga palang maririnig na ang pagpopokpok, mukhang maaga pa na nag umpisa ang pag finishing sa loob. Mabilis ang gawa lalo at may mixer na ginamit ang mga ito tulong tulong ang mga ito sa pag palitada ng dingding. Maging ang mga hamba ng bintana at pinto ay mabilis lang na naayos. Naunang natapos ang dingding dahil hinuli na ang sa flooring ng bahay.
Dumating kinahapunan ang inorder niyang pintoan para sa dalawang silid, sa kusina, dirty kitchen at ang para sa main door. Ang bintana naman ay sliding window na makapal kasi walang manipis lang. May bahagi ng bahay na semento ang bubong, iyon ay ang bahagi ng kusina. Sinadya niya iyon para sa malalakas na hangin e di matitinag ang kanyang bahay.
"Patapos na ang bahay mo, naayos na din nila ang sa kusina mo. Ngayon na
