ARYNN FAJARDO
Habang inaayos ang pagkain ni Youji sa tray ay nag-ring ang cellphone ko. Hinugot ko iyon sa aking bulsa at nakita na numero iyon ng pulis na nag-i-imbestiga sa kaso namin.
“Natukoy niyo na kung kanino iyong sasakyan?”
“Hindi pa, madam. Ang tinitingnan namin na anggulo ay baka isa siya sa mga kliyente niyo sa lending. Maaari niyo po ba kaming bigyan ng list ng mga tao na hindi ninyo na-aprubahan na pautangin?”
Nilagay ko ang tubig sa tray.
“Y-Yes. I can call my secretary to email the list to you.”
“Thank you, madam. Malaki ang maitutulong niyon sa pagbilis ng kaso.”
“Sige. Salamat rin po.”
Binaba ko ang phone sa island at binuhat ang tray. Nagulat ako nang makita na bukas ang pinto ng silid ni Youji. Gamit ang braso ay tinulak ko iyon para makaraan.
Natigilan ako
