Kinabukasan, hindi nag-aksaya ng panahon si Raven. Tulad ng isang tunay na ginoo, pumunta siya sa mansyon nang pormal na bihis para harapin ang aking mga magulang. Ang kaba sa dibdib ko ay tila sasabog habang nakaupo kaming lahat sa sala, ngunit ang determinasyon sa aking puso ay mas matimbang.
"Tito Henry, Tita Elena," panimula ni Raven, ang boses ay matatag at puno ng respeto. "Nandito po ako para pormal na humingi ng pahintulot sa inyo. Gusto ko po sanang umakyat ng ligaw kay Meisha. Nakapag-usap na po kami kagabi at pumayag naman po siya na bigyan ako ng pagkakataon."
Ang mukha ni Mama ay agad na nagliwanag. "Ganoon ba? Napakagandang balita niyan, Raven! Sa totoo lang, natutuwa ako dahil alam kong nasa mabuti kang mga kamay, anak."
"Sang-ayon ako," dagdag ni Tito Henry habang tumata
