Tatlong buwan na ako sa London.
Ang buhay ko rito, naging isang mahabang cycle na ng routine—gising, trabaho, video call kay Crane, tulog. Paulit-ulit, parang sirang plaka. Pero sa hindi maipaliwanag na dahilan, masaya ako. O at least, content. Kasi sa bawat pagpikit ko, alam kong may naghihintay sa akin sa Maynila. May matatag na rason kung bakit kailangan kong bumalik.
Isang Martes ng hapon, habang lunod ako sa pag-rereview ng final plans para sa client presentation bukas, biglang lumapit ang receptionist sa desk ko.
"Ms. Rodriguez, may delivery po para sa inyo," bungad niya. Hawak niya ang isang brown envelope—formal, elegante, at may kulay-dugong wax seal pa sa likod.
"Delivery? From whom?" kunot-noo kong tanong habang kinukuha ang sobre.
"From a law firm po. Harrington & Associat
