Gusto ko lang namang gumanti sa pambibwisit niya sa'kin kaya ko siya pinag-trip-an.
"Pero ako ang pinag-trip-an!" mahinang bulong ko sa sarili habang pinagmamasdan ko silang magkakapatid na nag-uumpukan sa isang sulok.
"Imbes na ako ang kampihan ninyo, pinapahamak niyo pa talaga ako sa kaniya noh?!" mahinang sermon ng binata sa kaniyang mga kapatid.
"Nagsasabi lang naman kami ng totoo, Kuya!" nakalabing anas ng pinakamaliit ng bata na siyang pinakabunso sa kanila.
"Hindi pa rin tama 'yon, Susie!" patuloy nitong sermon sa kapatid.
"Kuya naman!" magkapanabay na maktol naman ni Botchok at ng kapatid nilang sumunod sa kaniya.
"Isa ka pa, Botchok!" Kakamot-kamot sa ulo si Botchok habang maluha-luhang nakatitig naman ang dalawang batang babae kay Baste.
'Di nakatiis na lumapit ako sa k
