Pagkahatid ni Omeng kay Gabie sa opisina nito matapos nilang mag-lunch ay hindi na siya nakapag-focus sa ginagawa niya. Kaya hindi niya napansin na nag-green na pala ang traffic light at hindi pa siya umuusad. Natauhan lang siya nang marinig niya ang malakas na busina ng sasakyan na nasa likurang ng sasakyan niya. At nang makabalik sa opisina, hindi na siya nakaguhit ng maayos na plano. Makailang beses siyang nag-revised hanggang sa sumuko na siya.
Gumugulo sa isip niya ang sinabi ni Gabie. Masaya siya para sa career move nito dahil alam niyang ito ang pangarap ni Gabie pero nalulungkot siyang isipin na magkakalayo sila ng matagal kapag umalis ito. Sa lalim ng iniisip niya, hindi rin niya napansin na nakapasok na pala si Jeffrey sa kanyang opisina.
“Pare, ang lalim ng iniisip mo, ah. Oka
