Present day...
Pakiwari ni Hayden ay saglit siyang naglakbay sa nakalipas buhat marinig ang awiting iyon ni Mandy Moore. Napukaw lamang ang kanyang atensyon nang magsimulang lumapit sa kanya ang misis.
Ngumiti kay Hayden ang asawa habang siya’y napabuntong-hininga na lang at sa mga labi ay may ngiting pilit na sinusupil.
Napakamot din siya sa kanyang noo habang iiling-iling din pero ang ngiting iyon sa labi’y hindi mabura-mabura. Ngiting nagsasabi na naisahan siya ng kanyang misis.
“At nandito ka lang pala!” aniya at malakas na napabuntong-hininga ulit sabay pamaywang.
“Yeah?” sabay hagikgik.
Naiiling na natatawa pa rin si Hayden.
Kasalukuyan nang patapos ang awitin ni Mandy Moore na kasalukuyang inaawit ng bokalista ng bandang may gig nang sandaling iyon sa restobar ni Kurt.
Ang
