CHAPTER 62 - Truth
"ANONG... anong pinagsasabi mo?"
Ang apoy sa mga mata ni Risk ay nananatiling nag-aalab habang sinasabayan ang naguguluhan at nagugulantang kong tingin sa kanya.
"Ang kilala mong Maureen ay malayong-malayo sa totoo niyang pagkatao. She's manipulative, dangerous, and a wicked woman!"
Puno ako ng sarkasmong natawa kahit na ang totoo ay bahagya akong apektado sa sinabi niya, lalo na ang tungkol sa pamilya ko.
"Huwag mong sinisiraan sa akin si Tita Maureen! I know her! Mabait siya, maalaga, at mapagmahal. Simula nang mamatay ang nanay ko ay siya na ang tumayong ina sa akin at ang nag-iisang pamilya ko," pagtatanggol ko.
Hindi ko maintindihan kung ano ang plano niya at bakit niya ginagawa ito sa akin, pero alam kong imposible ang sinasabi niya. Imposibleng magawa ni Ti
