CHAPTER 43 - Gone
NARARAMDAMAN ko pa rin ang panghihina ng katawan nang balikan na ng ulirat. Ilang segundo rin akong natulala bago bumalik sa akin ang mga nangyari.
Kaagad kong naramdaman ang pag-iinit ng mga mata at paninikip ng dibdib. Kahit na nanghihina pa ay bumangon na ako sa kinahihigaan na hospital bed. Base sa huli kong naaalala ay nawalan ako ng malay nang malamang naiwan si Domino sa loob ng sumabog na bahay.
Nang makatayo na ay agad kong hinawi ang kurtina, tila ito ang nagiging divider para hindi ako makita sa puwesto ko at hindi ko makita ang paligid ko.
Nangunot ang noo ko nang mapansing nasa isa akong hospital base na rin sa nakikita ko sa paligid. May mga nagkalat na nurse at hospital bed na hindi nalalayo sa akin. Meron din mga puwesto na natatakpan ng kurtina kagaya
