AMARA :
Pinilit kong ituon ang atensyon ko sa mga kasama ko sa hapagkainan, kahit ang totoo ay nasa kay Shaq ang utak ko. Alam kong iba ang tingin niya sa relasyon namin ni Andre, at the fact na nakita niya kami kaninang magkasama ay hindi ko alam kung ano ang iniisip o maari niyang isipin. Idagdag pa na hindi ako nagparamdam ng isang linggo. Ang sabi ni Tita Celine ay sinabihan daw siya ni Shaq na mahirap ang signal sa yate, kaya sana naiintindihan niya iyon. Pero alam kong kailangan ko pa rin ipaliwanag kung bakit hindi ako nagparamdam kahit nang maka-land na kami.
Nang matapos kumain ay nagprisinta akong magligpit at si Tita Celine ay dinala na sa kuwarto si Andre para makapagpahinga. Ang sabi nila ay may kasambahay raw si Shaq, pero pumupunta-punta lang dito para maglinis, iyon nga l
