AMARA:
"Kumusta na pala si Jax? 'Di ba ngayon ang uwi niya?"
Mula sa pagpupunas sa kamay ni Andre ay natigilan ako at napabaling kay Tita Celine na ngayon ay kasalukuyang nag-aayos ng kakainin namin pang miryenda. Nakabaling siya sa akin at mukhang naghihntay ng isasagot ko. Ngumiti ako muling ibinalik ang mga mata kay Andre.
"Mamayang gabi pa po ang uwi niya. Pero base naman sa mga nauna naming napag-usapan, okay naman daw siya. Mabait daw ang trainer nila, kahit mahigpit," kuwento ko.
Isang buwan na magmula nang magsimula si Jackson sa training niya sa YA's. Sa isang buwan na iyon ay hindi ko pa ulit siya nakikita, bawal kasing mag-picture at makipag-video call. Wala raw kasing ibang puwedeng makakita ng headquarter nila, bawal din namin siyang dalawin. Sa katunayan ay miss na mis
