Miss
"Naiyah, hindi ka ba talaga sasama sa may ilog?" paninigurado ni Kriesha sa'kin nang habulin niya pa ako mula sa pagmamadali ko paglabas ng silid-aralan.
Maliligo ngayon ang buong barkada sa ilog na karugtong ng dagat dito sa Bela Isla. Gusto ko mang sumama at makipagsaya sa kanila ngunit hindi maaari. Hindi naman 'yon ganoong kalayo sa bahay namin ngunit nagmamadali na talaga akong umuwi.
Nilingon ko naman siya at saka umiling. "Kailangan ko na talagang umuwi, Kriesha. Pakisabi na lang kila Emma na hindi ako makakasama at sa susunod na lang," sabi ko naman. "Nagsabi kasi si Orion na tatawag siya ngayon sa'kin. Magvi-video call kami kaya kailangan ko nang umuwi."
Halos mag-aanim na buwan na mula nang nakaalis si Orion mula sa bansa patungong England upang doon na mag-aral ng koleh
