Kabanata 73
A T H E N A
Nagsimula nang pumasok si Ares sa resort na sinasabi niya. Tuwing umaga siya nangingisda habang sa tanghali naman ay papasok siya sa resort hanggang gabi na siya ruon. Mag aalas-dyis na siya minsan nakakauwi at dahil pagod na pagod siya ako na palagi ang nagluluto ng pagkain niya. Nagpapaturo ako kay Lara kung paano magluto ng ibang mga putahe para hindi naman siya nagsasawa sa mga niluluto ko sa kanya. Naaawa na nga ako sa kanya minsan dahil palagi na lang siyang puyat dahil maaga siyang nangingisda sa umaga. Wala pang-araw nanduon na siya para mangisda. Pasalamat na nga lang kami sa tatay ni Lara na nagpapahiram kay Ares ng bangka. Mabait ang pamilya nila sa amin at parang isang pamilya na rin ang turing sa amin simula nang lumipat kami rito sa paupahan nila.
M
