Kabanata 71
A T H E N A
Nagising ako sa mahigpit na yakap ni Ares sa aking likod. Agad akong napangiti nang maalala ang nangyari kagabi pero agad din naman akong inatake ng hiya nang maalalang ako pa talaga ang nag-umpisa nuon. Napakagat ako sa aking labi at iminulat na ang mga mata. Ang bisig ni Ares na nakapalibot sa aking baywang ang una kong nasilayan. May suot na akong t-shirt niya na hindi ko na alam kung kailan niya isinuot sa akin. Siguro habang natutulog ako? Sa sobrang pagod hindi na siguro ako nagising kahit na binibihisan na niya ako. Muli akong mariin na napapikit dahil sa kahihiyan pero wala akong kahit katiting na pagsisising nararamdaman sa loob ko. Masaya ako. Sobrang masaya ako at hindi ko alam kung paano ko iyon ipaliliwanag. Basta masaya lang ako at para bang ayoko na
