Kabanata 45
A T H E N A
Imbis na sundin ang sinabi ni Ares ay naupo pa ako sa tabi niya at inagaw ang isang shot ng alak na hawak niya. Pareho silang nagulat ni Andrei sa ginawa ko lalo na nang inumin ko iyon ng diretsiyo. Medyo may kalakihan ang shot glass kaya siguro hindi sila makapaniwalang nilagok ko iyon ng diretsiyo. Nginisian ko lamang sila at kunwa'y nag tataka kung bakit sila nakatingin lang sa akin.
"What? Hindi ba ako pwedeng sumali sa inyo?" tanong ko kay Andrei na bahagyang napanganga dahil sa ginawa ko at nang bumaling naman ako kay Ares ay masama na ang tingin nito sa akin. Ngunit imbis na matakot ako sa tingin niya ay parang mas lalo pa akong ginanahan na ipagpatuloy ang ginagawa ko upang asarin siya. Wala pala siyang pakialam sa kung anong gusto kong gawin ah. Then tig
