Nakaupo lang ako sa labas ng university at hinihintay na dumating si Blue. Susunduin niya ako ngayon. Hindi ko kasama si Debbie dahil nagko-community service na sa lawn ng tennis court. Pinapapulot lang naman sila ng mga bola.
Kinuha ko ang aking cellphone nang tumunog iyon. May message galing kay Blue. Sinasabi niya lang na male-late siya saglit at may dadaanan lang daw siya. I just replied okay at sumandal na sa upuan. Pinapanood ko lang ang mga estudyanteng lumalabas-pasok kasama ang mga kaibigan nila. Ngayon ko lang na-realize na medyo lonely nga ang buhay ko. Wala akong maraming kaibigan pero masaya naman ako sa ganito.
Napatingin ako sa gilid nang mapansin ang pares ng sapatos. I saw Rowena looking at me with tired eyes. Huminga naman ako nang malalim at tiningnan siya.
“Ano’ng gi
