Nakatingin lang ako kay Blue na nakaupo lang at pangiti-ngiti sa ‘kin. Akala niya siguro ay natutuwa ako. Walang nakatutuwa sa nakita ko kanina. Gusto kong mumugan siya ng asido.
“Baby girl, what you saw...”
Tinikwasan ko lang siya ng kilay. Hindi niya naman tatapusin ang sinasabi niya. Para bang hirap na hirap siyang magpaliwanag.
“Ba’t ka nahihirapang magpaliwanag? Forte mo naman na paikutin ang mga babae ah,” asik ko.
Napakamot naman siya sa batok niya tapos tumabi sa ‘kin.
“Hindi iyon ganoon. Noon ‘yon, ngayon hindi na. Asawa na kita eh. Kinalimutan ko na iyon. Iyong pagiging babaero ko noon hindi iyon dahil sa cheater ako. Alam mo naman ‘di ba?” aniya at halata ang panunuyo sa boses niya.
“Huwag ka ng magpaliwanag. Lalo ka lang nauubusan ng irarason,” wika ko.
Huminga naman siy
