Kinabukasan ay umalis na kami. Nakatingin lang ako sa labas habang bumibiyahe. Nanlalamig ang kamay ko pero ang mukha ko naman sobrang init.
“Relax, they’re not going to eat you,” nakangiting saad ni Blue.
Sinimangutan ko lamang siya at ipinikit ang aking mata.
“Just beat yourselp,” sabat ni Baduday.
Natigilan naman ako at napatingin sa kaniya.
“Ha? Gusto mong bugbugin ang sarili ko?” untag ko.
Ipinaikot naman niya ang mata niya sa akin.
“Maging totoo ka sa sarili mo, Lana. Iyan ang ibig kong sabihin. Beat yourselp,” aniya pa.
Napatingin naman si Blue sa akin at natawa. Nakagat ko ang labi ko at hindi na nagsalita pa. Baka masapok na ako ni Baduday.
Ilang oras din ang biniyahe namin bago kami huminto sa malaking gate. Ilang sandali lang ay binuksan na iyon at pumasok na kami. Natu
