“LET'S escape for tonight. Just you and me. . . together.” Hindi lubos maisip ni Soledad na masasabi iyon ni Benjamin sa kaniya sa harap mismo ng kaibigan niya. Bigla tuloy siyang nakaramdam ng kaba dahil hindi niya halos mabasa ang isipan ni Julieth. Bagama't gulat ito sa narinig, hindi niya alam kung anong unang lalabas sa bibig nito. Lalo pa ngayon na lantaran kung paano siya akitin ng gobernador. Hinawakan pa nga nito ang kaniyang kamay habang binibitiwan ang mga katagang iyon sa kaniya.
Agad naman niyang binawi ang palad mula sa pagkakahawak ni Benjamin. Ayaw niyang isipin ng kaibigan na hindi niya tinutupad ang kung anumang napagkasunduan nila. “K-Kasama ka?” nalilitong sambit niya.
Hindi siya kombinsido sa gustong mangyari ni Benjamin. Dahil hindi iyon magiging madali para sa ka
