Kabanata 19
"Bakit ka nandito?" Bungad na tanong ko kay Jonna nang makita ko siyang naghihintay sa labas ng bar.
Ang una kong napansin sa kaniya ay ang kaniyang mukha. Ang kaniyang mata ay namumula at namumugto. Pansin ko ang pamamasa ng kaniyang mata ngunit mabilis niyang pinunasaan iyon.
Napagdesisyunan kong huwag lumapit ng sobra sa kaniya. Isang metro ang layo ko sa kaniya upang pigilan ang sarili na lapitan siya at yakapin. Umiyak ba siya? Alam na ba niya? May problema ba siya sa pamilya o sa akin?
Sinubukan niyang ngumiti ngunit hindi niya ito nagawa. Kumunot ang noo niya at nag-iwas sa akin ng tingin. Isang mahinang tawa ang lumabas sa bibig niya bago siya tumingin ulit sa akin.
"Masama na bang bisitahin ang girlfriend ko? Isang buwan akong naging busy sa school dahil graduati
