Kabanata 20
Isang linggo ang dumaan at tila ba isa itong pelikula na mabilis natapos. Parang kahapon lang noong nagkaharap harap kaming tatlo. Pamula noon ay hindi ko na ulit nakita si Jonna. Wala na akong naging balita sa kaniya.
Napatigil ako sa paglalakad nang biglang huminto si Gero. Nagyaya siya ng date ngunit hindi naman ako masyadong nagsasalita dahil hanggang ngayon ay iniisip ko pa rin si Jonna.
Napadaing ako nang maramdaman na hinigit ako ni Gero papunta sa likod niya. Mabuti na lang at hindi ako nawalan ng balanse. Umayos ako nang pagkakatayo.
"Sinusundan mo ba kami?" Naiinis na tanong ni Gero sa taong nasa unahan namin.
Humakbang ako palayo kay Gero upang makita ang kausap niya. Nang magtama ang tingin namin ni Jonna ay napasinghap ako. Pinasadahan ko siya ng tingin at nap
