Biglang huminto si Aspen sa hindi ko malaman na dahilan. O marahil naalarma ito dahil hindi ako tumitigil sa pag iyak?
Napakalakas ng ulan ngunit lumabas parin si Aspen mula sa driver's seat at binuksan ang pinto ng backseat kung saan ay nakabaluktot akong nakaupo. Basang-basa ang upuan ng kanyang sasakyan habang nanginginig naman ang buong katawan ko sa magkahalong lamig at pag-iyak. I lifted my face to look at him at may bahid ng pag-aalala at galit ang mukha niyang iyon.
"Andy, tell me. Bakit ka napunta sa lugar na iyon? Ano ang ginagawa mo doon?" tanong ni Aspen matapos itong pumasok sa loob na basang-basa. Tumutulo pa ng tubig ulan ang buhok nito. Nagdikit-dikit ang malalantik niyang pilikmata dahil basang basa rin ang kanyang mukha.
Hindi ako makapagsalita. Sasabihin ko ba sa kany
