"DOC HUGH!"
PARANG may pumitik na ugat sa ulo ni Hugh nang marinig ang boses ni Becky. Kakatapos pa lang ng shift niya sa ospital nang makita niyang sinusundan siya ni Becky papunta sa kotse niya.
Kanina pa talaga ito nakabuntot sa kanya at lantarang nagpapa-cute tuwing lumalabas siya sa clinic niya at nadadaanan niya ito. Binigyan pa nga siya nito ng kakanin nang sumapit ang tanghalian dahil baka malipasan daw siya ng gutom. Akala niya ay libre na nito iyon, pero sa huli ay siningil pa rin siya nito at sinabing kahit crush siya nito at nag-aalala ito sa kanya, hindi siya nito puwedeng ilibre dahil walang crush-crush pagdating sa negosyo. Unbelievable!
Pero kahit ganoon ay medyo na-touch siya dahil inalala nito ang pagkain niya samantalang wala namang pakialam ang iba.
Sadyang iba lang
