"Vin! Bilisan mo naman d'yan!" Narinig kong sigaw ni Devon sa labas ng kwarto ko.
"Oo na ito na! Hindi makahintay eh." Sigaw ko naman pabalik sa kanya.
Aalis kasi kami ngayong gabi dahil ngayon na ang JS prom namin. Alam ko naman kung bakit pinapadali ako niyang si Devon dahil nandiyan na sa baba ang boyfriend niya.
Pagkatapos kong ayusin ang buhok ko ay pumunta na ako sa pinto. Bubuksan ko na sana ito nang may maalala ako. Ang cellphone ko. Hahanapin ko pa pala ito dahil kanina pa ito nawawala.
"Von, mauna ka na lang. Hahanapin ko pa ang phone ko." Pahayag ko sa kanya.
"Kanina pa dapat kasi eh. Para ka namang babae. Ang bagal-bagal mong kumilos. Bilisan mo ha!"
Napaikot na lang ako ng mata sa sagot niyang iyon. Ano naman kung mabagal ako? Para namang excited ako sa JS p
