Alas siete na nang matingnan ko ang oras mula sa wall clock. Kumakalam na ang sikmura ko dahil hanggang ngayon ay hindi pa rin kami bumababa ni Evan para kumain.
Napag-alaman ko kasing mabigat pa rin ang loob nito sa sariling ama kaya ganoon na lamang ang pakikitungo niya rito simula kaninang pagpasok namin ng bahay.
Matagal na silang ganito, walang kibuan at mukhang wala ng balak pang makipag-ayos sa isa't-isa. Pati na sa kaniyang step-mother ay hindi rin maganda ang relasyon ng dalawa.
Nabanggit kasi ni Evan na wala raw pinagkaiba ang buhay namin, parehong-pareho kung paano mag-isip ang mga magulang namin— uncontrollable and domineering.
Kaya marahil ay ganoon na lamang ako maintindihan ni Evan, kasi lahat ng pinagdadaanan ko ngayon ay napagdaanan na niya. Sa madaling salita ay gradu
