“Dasha…”
Nagkusot ako ng mga mata at umahon mula sa pagkakayuko sa kama ni Charlie nang marinig ko ang boses niya. Ngumiti ako at hinawakan ang kaniyang kanang kamay na namamahinga sa kaniyang gilid.
“You didn’t leave?” tanong niya sa akin nang makitang nakatingin na ako sa kaniya.
Umiling ako. “Lumabas ako kanina noong katutulog mo lang. Pagbalik ko, natutulog ka pa rin.”
Tumawa ako nang bahagya sa sariling sinabi. Ilang oras din akong nawala kanina noong kinausap ko ang prinsesa ngunit pagbalik ko ay natutulog pa rin si Charlie. Umangat ang tingin ko sa wall clock na mayroon dito sa loob ng kuwarto at nakitang alas siyete na ng gabi. Noong bumalik ako ay hapon na at hindi pa siya gising. Ngayon ay madilim na sa labas ng palasyo.
Naalala ko ang purpose ng pagpunta ko rito. Hindi
