“…sha.”
Wala na si Charlie rito, nasa ibang bansa siya at walang kasiguraduhan kung kailan siya babalik o kung babalik pa ba siya ulit. Napahawak ako sa aking dibdib. Bakit ganoon, hindi ko alam ang tungkol sa bagay na iyon. Walang sinabi sa akin si Charlie na aalis pala siya.
Sumisikip ang aking dibdib habang naiisip ang lahat ng ito. Halo-halong emosyon ang aking nararamdaman at hindi ko maintindihan ang mga iyon. May karapatan ba akong masaktan…
“Dasha!”
Napaigtad ako nang marinig ang boses ni Lilith at kaagad akong napalingon sa kaniya. Nasa labas na siya ng kotse at nakasilip sa akin mula sa bintana. Nakataas ang kaniyang kilay at hinihintay din akong lumabas.
“We’re here. Stop thinking about what Dad said and focus on your classes first.”
Iyon ang huling sinabi ni Lilith bago k
