Magtatatlong linggo na rin ang matuling lumipas sa pagitan nila ni Trevor. Nabigyan na rin ng hustisya ang nangyari kay Angelo. Ngunit magtatatlong linggo na rin siyang tila ba lantang gulay. Ang kanyang katawan ay tila tinakasan ng kanyang buto. Nabubuhay siya, ngunit sa kaloob-looban niya ay parang patay na rin siya.
Mariin niyang pinahid ang luhang kumawala sa kanyang mga mata. Pesteng luha 'to ah, di na naubos. Magpatayo na kaya ako ng water station.
“Oh, bakla, tubig. Kesa nag-eemote ka dyan, eh puntahan mo na yong taong dahilan ng mga luhang yan.” Dinutdot pa ni Toyang ang kanyang pisngi na may luha. “Sunggaban mo na kasi yung sinasabi nyang 'let me explain' churva nya, para naman malaman mo talaga ang puno’t dulo ng nginangalngal mo dyan,” saad ni Toyang sabay lagok ng tubig na da
