Kabanata 28
S C A R L E T T
Tulad ng gustong mangyari ni Sander, nauna na nga akong magtungo sa pool. Nakapagpalit na rin ako ng damit pangswimming. Suot ko ang paborito kong bikina na binili ko pa sa Taytay nuon. Medyo matagal na rin sa akin itong bikini na 'to pero dahil hindi ko naman madalas magamit ay mukhang bago pa naman. Mabuti na lang talaga at kasiya pa kahit na medyo ramdam ko ang paglaki ng dibdib ko. Sabi ganun daw talaga kapag buntis medyo lumalaki ang dibdib pero kumasiya pa naman itong pang-itaas kaya ayos lang. Tama lang ang desisyon kong magdala ng bikini. May nagagamit ako ngayon.
Hinubad ko na ang robang suot ko bago nagtungo sa gilid ng pool. Naupo ako duon at hinayaang ilaglag ang mga binti ko sa malamig na tubig ng pool. Nagpasiya akong hintayin na lang muna siya
