Kabanata 27
S C A R L E T T
Nang lumabas ako sa banyo ay agad akong sinalubong ng seryosong tingin ni Sander. Uminit ang pisngi ko kaya mabilis akong nag-iwas ng tingin sa kanya. Hindi kaya mahalata na niyang may nararamdaman ako para sa kanya kung ganito palagi ang kilos ko kapag nariyan siya? Ewan ko. Hindi ko talaga kayang pigilan yung nararamdaman kong kilig kapag tumititig siya sa akin ng ganito lalo na dahil sa sinabi niya kanina. Alam ko namang hindi para sa akin ang pag-aalala niya kanina kundi para sa batang nasa tiyan ko pero bakit ganito? Bakit hindi ko pa rin mapigilang umasa? Siguro ganun lang talaga kapag mahal mo ang isang tao at nagpakita ito ng malasakit sa'yo hindi mo maiwasang umasa. Kasi nga gusto mo siya eh. Hindi mo maiwasang mangarap na baka kahit papaano ay magust
