Kabanata 86
S A B R I N A
"Kumain ka na?" tanong niya habang isa-isang kinakalas ang mga butones ng kanyang suot na puting polo.
Tumango ako at ngumiti. Gusto ko sanang tanungin din siya kung kumain na ba siya kaya lang naalala ko nakita ko nga pala sila nung Miya sa isang restaurant kanina kaya paniguradong kumain na siya doon.
Huminga ako ng malalim bago lumapit sa kanya. Tinulungan ko siyang tanggalin ang pang-itaas niya at pagkatapos ay isinabit iyon sa maliit kong aparador. Nang lingonin ko siya ay nakatingin na siya sa akin ng seryoso. Tumaas ang kilay ko dahil sa klase ng kanyang pagkakatitig sa akin. Nakaupo na siya ngayon sa gilid ng kama ko. Inilahad niya ang kamay niya sa akin na para bang sinasabing lumapit ako sa kanya. Dahan dahan akong lumapit sa kanya at inabot ang na
