Kabanata 45
S C A R L E T T
Hindi ko alam kung paano ako nakatulog nang gabing iyon. Nagising na lang ako kinabukasan na mag-isa na lang ako sa kwarto at wala na si Sander. Hindi ko alam kung panaginip lang ba iyong nangyari kagabi pero parang totoo naman. Ang hapdi rin ng mga mata ko nang dumilat ako malamang dahil iyon sa pag-iyak ko kagabi kaya imposible talagang panaginip lang iyon. Parang may kumurot sa dibdib ko nang maalala ang mga nangyari kagabi ngunit hindi na iyon ganon kasakit na halos pakiramdam ko pinipiga ang puso ko at wala akong magawa kundi ang maiyak na lamang. Ngayon ay nakakaya ko naman na itong tiisin. Hindi lang siguro talaga agad maglalaho yung sakit dahil medyo sariwa pa rin sa akin ang nalaman. Alam kong matagal na panahon na iyon nangyari pero ang malaman ngayo
