Kabanata 34
S A N D E R
"Good morning!"
Sabay-sabay kaming napalingon kay Caleb nang bigla itong pumasok sa dining area ng kanilang bahay kung saan kami kumakain ngayon. Nakangiti ito nang pumasok pero agad na napalitan iyon nang pagtataka pagkakita kay Zachary.
"Dude, nandito ka lang pala," ani Caleb bago naupo sa tabi ni Zachary.
Kaibigan kong matalik si Caleb na nakatatandang kapatid ni Yakira. Kaibigan ko rin si Zachary nuon hindi ko na nga lang sigurado kung kaibigan pa rin ba ang tingin niya sa akin ngayon. Noong mga panahon na napagtanto ko sa sarili ko na may nararamdaman ako para kay Yakira ay sila pa ni Zach noon kaya hindi na ako nagtangka pang magtapat sa kanya. Hinayaan ko na lang silang maging masayang dalawa dahil alam ko namang nung mga panahon na yun ay wala akong ka
