“Hoy! Anong nangyari sa bruha ka at hindi ka pumasok ngayong araw?!” ang malakas na boses ni Erika ng sagutin ko ang video call.
Hindi nga ako nakapasok dahil para bang tamad na tamad akong bumangon at maghanda papasok ng trabaho.
Hindi pala.
Tamad na tamad talaga ako na kumilos.
Kahapon pa ako ng tanghali nakahiga at napipilitan lang akong bumangon kapag nauuhaw ako o kaya naman ay kailangan kong gumamit ng banyo.
Hindi ko alam kung bakit ba labis yata akong nasaktan talaga sa mga sinabi ni Sir Agaton.
Wala namang kami pero bakit ganito?
Ganito pala talaga kapag broken hearted?
Ngayon naiintindihan ko na ang mga taong nabigo sa pag-ibig.
Akala ko nag-iinarte lang sila pero totoo naman pala.
Pero sa amin naman kasi ni Sir Agaton ay walang kami.
Hindi kami kaya bakit kailangan ko
