HINDI pa nakakahinto ang kabayo nang bumaba na agad si Mathias at alalang-alala ito sa kanya.
“Mathi—”
Mabilis siyang kinabig ni Mathias at niyakap siya nang mahigpit. Niyakap niya ito pabalik at napakahigpit ng yakap ni Mathias.
“Naiipit na ako, baby,” daing niya. Saka lang siya niluwagan ni Mathias pero muli siyang niyakap.
Nang makita nito si Mark ay bigla siyang binitiwan ni Mathias at susugurin sana ang binatilyo nang mabilis niya itong pinigilan.
“Wala siyang kasalanan dapat nga magpasalamat pa ako. Niligtas niya ako!” bulalas niya agad.
“Is that true?”
“Oo naman wala ka bang tiwala sa akin?”
“Hindi naman sa gano’n baby. Sobra akong nag-aalala sa ‘yo, pagpasok ko sa room mo wala kana. Akala ko umalis ka na naman at iniwan mo na naman ako!”
“Namasyal lang ako kanina
