NAGISING si Sofia na walang maalala. Nakahiga siya sa hospital bed at may bendang nakakabit sa kaniyang ulo.
Una niyang nasilayan ay ang guwapong mukha ng lalaking kababakasan ng pag-aalala. Katabi nitong nakatayo ay ang lalaking nakaputi ang uniporme. Tantiya niya ay iyon ang doktor na tumitingin sa kaniya base na rin sa nakakabit na stethoscope sa leeg nito.
"S-Sino kayo?" mahina niyang tanong sa mga ito. "S-Sino ako?"
Rumehistro ang gulat sa mukha ng guwapong lalaki sa narinig na sinabi niya. Habang ang doktor naman ay tila inaasahan nang mangyayari iyon sa kaniya.
Inumpisahan siyang tanungin ng kung anu-ano ng doktor. Ngunit puro iling lamang ang itinutugon niya. Wala siyang maalala ni isa kaya wala siyang maisagot dito.
"She's suffering from retrograde amnesia wherein she couldn'
